УПЛЫЎ УГНАЕННЯЎ НА ФАРМАВАННЕ ГЕНЕРАТЫЎНАЙ СФЕРЫ РАСЛІН ЖУРАВІН БУЙНАПЛОДНЫХ НА ТАРФЯНЫМ РАДОВІШЧЫ ВЕРХАВОГА ТЫПУ, ЯКОЕ РЭКУЛЬТЫВІРУЕЦЦА

   Прыведзены вынікі параўнальнага даследавання ўплыву мінеральнага (Basacote Plus 6M) і арганічных (Экагум­комплекс, МаКлоР (5, 10 %)) угнаенняў на біяметрычныя і біяпрадукцыйныя характарыстыкі генератыўных органаў пяцігадовых раслін ранняспелага (Ben Lear) і познаспелага (Stevens) гатункаў журавін буйнаплодных у кантрастныя па ўмовах надвор’я сезоны 2019 і 2020 гг. у доследнай культуры на плошчах тарфяных радовішчаў, якія рэкультывіруюцца у Смалявіцкім (Мінская вобл.) і Докшыцкім (Віцебская вобл.) раёнах. Выяўлены істотныя міжрэгіянальныя, генатыпічныя і міжварыянтныя адрозненні рэакцыі вопытных раслін на ўнясенне ўгнаенняў. У першы год даследаванняў, які характарызаваўся павышаным тэмпературным фонам і багаццем ападкаў, выяўлена стымулюючае дзеянне ўгнаенняў на марфаметрычныя і біяпрадукцыйныя характарыстыкі пладоў журавін, найбольш яўнае ў раннеспелага гатунку. Умерана халоднае і дажджлівае надвор’е вегетатыўнага сезона 2020 г. спрыяла істотнаму паслабленню дзеяння ўгнаенняў на доследныя характарыстыкі пладоў журавін: назіралася зніжэнне дадатку ўраджайнасці пладоў ад 3 да 18 разоў у параўнанні з папярэднім сезонам. Паказана, што ў двухгадовым цыкле назіранняў у Смалявіцкім раёне ўсе варыянты ўнясення ўгнаенняў спрыялі павелічэнню яе памераў пры найбольшай, прычым падобнай у абодвух гатункаў, выніковасці ўнясення мінеральнага ўгнаення Basacote Plus 6М і апрацовак Экагум­комплекс. У Докшыцкім раёне нараўне з мінеральным найбольш эфектыўным было выкарыстанне 5 %-­нага МаКлоР (якое, аднак, саступала яму ў гэтым плане ў 1,5 разы) пры адсутнасці ўплыву на прадуктыўнасць познаспелага гатунку Экогум­комплекс і 10 %­-нага МаКлоР.

1. Алещенкова, З. М. Микробные удобрения для стимуляции роста и развития растений / З. М. Алещенкова // Наука и инновации. – 2015. – № 8 (150). – С. 66–67.

2. Микробный препарат АгроМик для стимуляции роста и развития тритикале / Е. А. Соловьева [и др.] // Микробные биотехнологии: фундаментальные и прикладные аспекты: сб. науч. тр. / Ин­-т микробиол. НАН Беларуси, Белорус. респ. фонд фундаментальных исслед., Белорус. общ. объединение микробиол.; под ред. Э. И. Коломиец, А. Г. Лобанка. – Минск: Беларуская навука, 2013. – С. 331–342.